RSS

Tag Archives: வேட்கை

“முதல் இரவு”

கனவுகளின் இரவுகள்
காதலின் உணர்வுகள்
இறந்திடும் வெளிச்சம்
இணைந்திடும் கைகள்
அணைத்திடும் அரும்புகள்
விலகிடும் ஆடைகள்
பதுங்கிடும் வெட்கம்
புகுந்திடும் நிசப்தம்
வீழ்ந்திடும் சலனம்
வென்றிடும் வேட்கை
உடைத்திடும் விதிகள்
உயிர்திடும் உறவுகள்
மலர்ந்திடும் மாண்புகள்

Advertisements
 

குறிச்சொற்கள்: , , , , , , , , , , , , , , , ,

“அப்பா”

அம்மா வயிற்றில் கருவூன்ற
அளவற்ற ஆனந்தம் அடைந்திட்டாய்.

ஆண்மகன் என்னை  ஈன்றெடுக்க
அன்றே மீசை முருக்கிட்டாய்.

அடிமேல் அடிஎடுத்து  நான்வளர
அணு அணுவாய் ரசித்திட்டாய்.

அண்ட அகிலமும் எனைக்காண
அழகாய் ஆடை அணிவித்தாய்.

எட்டி உதைத்ததை எண்ணி
மார்தட்டி இறுமாப்பு கொண்டிட்டாய்.

ஆயிரம் சுமைகள் நீசுமந்து
அருமை மகனை வளர்த்திட்டாய்.

என் தேவை நிறைவேற்ற
உன் தேவை குறைத்திட்டாய்.

தடுமாறி தயங்கிய காலத்தில்
தோழனாய் தோள் கொடுத்திட்டாய்.

தடம்மாறி தவித்த தருணத்தில்
தட்டி தன்னம்பிக்கை தந்திட்டாய்.

தோல்வியில் துவண்டு அழுகையில்
தோள் சுமந்து நின்றிட்டாய்.

வேலையின்றி வெட்டியாய்  சுற்றினாலும்
வேட்கையுடன் வெண்சாமரம் வீசிட்டாய்.

வானகம் விஞ்சி வாழ்ந்தாலும்
உத்தமனாய் உயிர்வாழக் கற்பித்தாய்.

என்பெயர் முன்னும் பின்னும்
முத்திரையில் முகவரியை பதித்திட்டாய்.

போலியில்லா உன்முகம் கண்டாலே
பொலிவுடன் பொதியினை சுமப்பேனே!

 

குறிச்சொற்கள்: , , , , , , , , , , , , , , ,

“பசி”

 

 

 

 

 

 

 

 

 

 

பசி
சாதி, சமயமற்ற
சமத்துவப் பேய்.

பசி
பஞ்சப் பரதேசிக்கும், பரம்பரைப் பணக்காரனுக்கும்
பாரபட்சமற்ற பாதகன்.

பசி
கனவுகளையும், கற்பனைகளையும்
இடுகாட்டில் இடுவது.

பசி
உணவுப் பருக்கையை உட்கொள்ள
உணர்ச்சியின் வேட்கை.

பசிக்கு உணவுண்ட காலம் மாறி
இன்று
ருசிக்கு உணவுண்டோம்.

பணம் என்ற காகிதம்
இன்றோ
பசி போக்கும் ஆயுதம்.

விருந்தளித்து விளக்கணைத்த வீட்டில்
விலைகொடுத்து
வீணடித்து வீசுகிறோம்.

கைநீட்டி பசியாற்றுவதை விட
பட்டினியில்
படுத்துறங்கிப் பழகினோம்.

பசி
இல்லாத உலகம்
பிணங்கள் வாழும் கூடம்.

பசி
நாகரிகத்திற்கு பிறப்பிடம்.

பசி
உயிரை உயிரென உணர்த்துவது.

 

குறிச்சொற்கள்: , , , , , , , , ,

“விடுதலை”

கல்லறை வீட்டின் கடைசி திருமகன்
நெஞ்சில் பாரம் கண்ணில் குரோதம்

சிறு விதையாயினும் பெரும் பூமியை பிளக்கும்
சிறு எறும்பாயினும் பெரு உணவை சுமக்கும்

விழுந்து கிடந்த பழக்கமுண்டு
விழுந்தே கிடந்து பழக்கமில்லை

என்ன விலையேனும் கொடுப்போம்
என்னையே தந்திதை மீட்போம்

சொந்த மண்ணுக்கு உரமாயினும்
மனிதம் போற்றும் வரலாறு படைப்போம்

போரெனில் புலியாய் பிறப்போம்
விடுதலை வேட்கை தணிப்போம்.

 

குறிச்சொற்கள்: , , , ,

 
%d bloggers like this: