
படபடக்கும் கைகள்,
தடுமாறும் கால்கள்,
அலைபாயும் கண்கள்,
வறட்சியாய் உதடுகள்,
குளறும் வார்த்தைகள்,
இடமாற தவிக்கும் இதயம்,
பதில்கேக்க துடிக்கும் காதுகள்,
முடிவை எதிர்நோக்கும் முகம்,
கனவுகளுடன் காத்திருக்கும் உயிர்…
ஆம், ஆ(பெ)ண்-பார்த்த போது
அடியேனின் அனுபவம்.
Like this:
Like ஏற்றப்படுகின்றது...
குறிச்சொற்கள்: அடியேன், அனுபவம், அலைபாயும், ஆண் பார்த்தல், இடமாற்றம், இதயம், உதடு, உயிர், எதிர்நோக்கி, கண்கள், கனவு, காதுகள், காத்திருப்பு, கால்கள், கைகள், தடுமாற்றம், தவிக்கும், துடிக்கும், படபடப்பு, பதில், பெண் பார்த்தல், முகம், முடிவு, வறட்சி, வார்த்தை
அதிகாலையில் எழுந்து
ஆறுமுறை குளித்து
பத்துமுறை பல்துலக்கி
பாதரசம்தேய உடைமாற்றி
சீராய் தலைசீவி
நல்ல சகுனம் பார்த்து
சொற்ப சொந்தங்களுடன்
பெண் பார்க்க சென்றேன்.
ஊரின் ஓரமாய் ஒத்தவீடு
பார்பதற்கு அழகான ஓட்டுவீடு
பாதையிலே காத்திருந்த தந்தை
முற்றத்திலே வரவேற்ற அன்னை
ஒளிந்து,ஒளிந்து பார்க்கும் தங்கை
ஓரக்கண்ணால் முறைக்கும் தம்பி
ஓயாமல் ஓடும் பாட்டி
தன்கதை சொல்லும் தாத்தா
ஓரமாய் ஒதுங்கிய பூனை
ஓவ்வொன்றும் தனிக் கவிதை.
என்கவிதை எங்கே? என்ற
ஏக்கமும், எதிர்பார்ப்புடனும் நான்
படபடப்பையும், பயத்தையும் வெளிக்காட்டாமல்
வீராப்பாய் அமர்ந்திருந்தேன்.
எங்கிருந்தோ ஒரு குரல்,
“ஏம்பா! பொண்ண கூப்பிடறது!”
சொன்னவன் தெய்வமானான்.
சின்ன இடை கொண்டு
அன்ன நடை நடந்து
தேநீருடன் தேவதை வந்தாள்.
பச்சை நிற பட்டுடுத்தி
கருப்பாய் கலையாய் இருந்தாள்.
எந்த நிறம் இருந்தென்ன?
எல்லா நிழலும் கருமைதானே!.
வெட்கம் வேடிக்கை பார்க்க
நாணம் என்ன விலை?
என்று கேட்டு விட்டு,
கள்ளப் பார்வையில் ஒரு
சின்னச் சிரிப்பை தந்தாய்.
அந்த ஒரு நிமிடப் பார்வை
ஓராயிரம் கதை சொன்னன.
மறக்க முடியாத தருணம்
யாரிடம் இல்லாத வசீகரம்
முன் எப்போதுமில்லாத உணர்வு
வாழ்வு முழுமையடைந்த நிம்மதி
எனைக்கென பிறந்தவளை,
எப்படியோ பார்த்துவிட்ட பரவசம்.
அன்று
நீ விட்டுச் சென்ற கனவுகளை
மட்டும்
பற்றிக் கொண்டு வாழப் பிடிக்கிறது.
நித்தம்,நித்தம் நீங்கா கனவுகளுடன்…
நான்,
தொலைந்து தான் போய்விட்டேன்.
தொடர்ந்து தேடுகிறேன்
தொலைந்ததை மீட்ட அல்ல
தொலைத்ததின் காரணம் காண…
Like this:
Like ஏற்றப்படுகின்றது...
குறிச்சொற்கள்: அதிகாலை, அன்னம், அன்னை, அன்று, ஆறு, இடை, உடை, உணர்வு, ஊர், எதிர்பார்ப்புடன், ஏக்கம், ஒதுங்கிய, ஒத்தவீடு, ஓடும், ஓட்டுவீடு, ஓயாமல், ஓரக்கண், ஓரமாய், ஓராயிரம், கதை, கனவு, கருப்பு, கருமை, கலை, கள்ளப் பார்வை, கவிதை, காரணம், குரல், குளியல், சகுனம், சிரிப்பு, சொந்தம், சொற்ப, தங்கை, தந்தை, தம்பி, தருணம், தலை, தலைசீவி, தாத்தா, தெய்வம், தேடு, தேநீர், தேவதை, தொடர்ந்து, தொலைந்து, நடை, நாணம், நித்தம், நிமிடம், நிம்மதி, நிறம், நிழல், பச்சை, படபடப்பு, பட்டு, பத்து, பயம், பரவசம், பற்றி, பல்துலக்கி, பாட்டி, பாதரசம், பாதை, பார்வை, பூனை, பெண், பெண் பார்த்தல், மறதி, மீட்டல், முற்றம், வசீகரம், வரவேற்பு, வாழ்வு, விலை, வீராப்பு, வெட்கம், வேடிக்கை