RSS

Tag Archives: புலி

“கல்லூரி”

கனவுகளின் தேசம்
கற்பனைகளின் ஒளிப்பதிவு
கடவுளின் உறைவிடம்
காதலின் கருவறை
கதையளக்கும் கலைக்கூடம்
கவலைகளின் மயானம்

வசந்தம் வீசும் வாலிபச்சோலை
தென்றல் தீண்டும் மலர்வனம்
போதி மரங்களின் கானகம்
பறவைகளின் கூடல்
புள்ளிமான்களின் புகலிடம்
புலிகள் வாழும் கூடாரம்

பட்டாம்பூச்சி பறக்கும் வயசு
பாடங்கள் பதியா மனசு
வரையறை இல்லா நட்பு
வண்ண மயில்களின் அணிவகுப்பு
ஏதுமறியாத மனங்கள்
எதிர்பார்பில்லா குணங்கள்
விழிகளின் விளையாட்டுக்கள்
தரைதவழும் விண்மீன்கள்
எச்சில் பண்டங்கள்
கருவாச்சி காவியங்கள்
கேலிக் கிண்டல்கள்
போலிச் சண்டைகள்
வீண் அரட்டைகள்
கண்ணைச் சொருகும் மதிய வகுப்புகள்
ஓரிரவில் முடிக்கப்படும் ஓராண்டுப் புத்தகங்கள்
ஒரே நிற ஆடை அணிந்த நாட்கள்
ஒவ்வொன்றும் ஒப்பில்லா உயிரோவியம்.

 

குறிச்சொற்கள்: , , , , , , , , , , , , , , , , , , , , , , , , , , ,

“விடுதலை”

கல்லறை வீட்டின் கடைசி திருமகன்
நெஞ்சில் பாரம் கண்ணில் குரோதம்

சிறு விதையாயினும் பெரும் பூமியை பிளக்கும்
சிறு எறும்பாயினும் பெரு உணவை சுமக்கும்

விழுந்து கிடந்த பழக்கமுண்டு
விழுந்தே கிடந்து பழக்கமில்லை

என்ன விலையேனும் கொடுப்போம்
என்னையே தந்திதை மீட்போம்

சொந்த மண்ணுக்கு உரமாயினும்
மனிதம் போற்றும் வரலாறு படைப்போம்

போரெனில் புலியாய் பிறப்போம்
விடுதலை வேட்கை தணிப்போம்.

 

குறிச்சொற்கள்: , , , ,

 
%d bloggers like this: