RSS

Tag Archives: பிணம்

“என்ன?”

தாராளமயமாக்கல் தந்தது என்ன?
தகவல் தொழில்நுட்பத்தில் புரட்சி கண்டு,
அடுத்தவீட்டின் தகவலை அறுத்து விட்டு,
அயல் நாட்டுக்கு அரைநொடியில் அழைக்கிறோம்.

வணிகமயமாக்கல் வளர்த்தது என்ன?
விவசாயம் வீழ்த்தப்பட்டு,
பணப்பயிரை பயிரிட்டு,
பட்டினிச் சாவுக்கு உரமிட்டோம்.

சந்தைப் பொருளாதாரம் சந்தித்தது என்ன?
கணிவுடன் கடன் அட்டை தந்து,
கட்ட வழியின்றி,
கடைத் தெருவில் நிறுத்தின.

சரி,
கொடுத்ததுதான் என்ன?
“பேராசை”.

அடுத்தவரை நேசிக்க நேரமின்றி
அடுக்குமாடி கட்ட யோசிக்கிறோம்.
ஆதாயம் தேடித்-தேடித் தான்
அன்பைக் கூட அளிக்கிறோம்.
உறவுகளில் உண்டான அன்பை
உயிரற்ற பொருட்களில் உண்டாக்கினோம்.
உறவுகள் நிறைந்திருந்த வீட்டில்
ஊமைப் பொருட்களை நிறைத்தோம்.
உணர்வுகளை உடைத்து விட்டு
உயிருள்ள பிணமாய் வாழ்கிறோம்.

கொடுத்ததை விட
இழந்தவை தான் அதிகம்.
இன்றைய தலைமுறையே
இப்படி இருண்டிருக்க,
அடுத்த தலைமுறையின்
அவலநிலை தான் “என்ன?”

 

குறிச்சொற்கள்: , , , , , , , , , , , , , , , , ,

“பசி”

 

 

 

 

 

 

 

 

 

 

பசி
சாதி, சமயமற்ற
சமத்துவப் பேய்.

பசி
பஞ்சப் பரதேசிக்கும், பரம்பரைப் பணக்காரனுக்கும்
பாரபட்சமற்ற பாதகன்.

பசி
கனவுகளையும், கற்பனைகளையும்
இடுகாட்டில் இடுவது.

பசி
உணவுப் பருக்கையை உட்கொள்ள
உணர்ச்சியின் வேட்கை.

பசிக்கு உணவுண்ட காலம் மாறி
இன்று
ருசிக்கு உணவுண்டோம்.

பணம் என்ற காகிதம்
இன்றோ
பசி போக்கும் ஆயுதம்.

விருந்தளித்து விளக்கணைத்த வீட்டில்
விலைகொடுத்து
வீணடித்து வீசுகிறோம்.

கைநீட்டி பசியாற்றுவதை விட
பட்டினியில்
படுத்துறங்கிப் பழகினோம்.

பசி
இல்லாத உலகம்
பிணங்கள் வாழும் கூடம்.

பசி
நாகரிகத்திற்கு பிறப்பிடம்.

பசி
உயிரை உயிரென உணர்த்துவது.

 

குறிச்சொற்கள்: , , , , , , , , ,

“தாய் மண்”

உணவுப் பயிராம் நெல், கரும்பு, வாழையை விடுத்து

பணப் பயிராம் சணல், ரப்பரை பயிரிட்டு பணமாக்கினேன்

என் தாய் மண்ணை பிணமாக்கினேன்…

 

குறிச்சொற்கள்: , , , ,

 
%d bloggers like this: