RSS

Tag Archives: பதுமை

“மை”

சொல்லுவது உண்மை,
இனமோ பெண்மை,
இறந்தது ஆண்மை,
வண்ணத்தின் ஏழ்மை,
உடையில் வெண்மை,
அழகின் பகைமை,

வயதோ இளமை,
உடலோ வளமை,
பட்டுப்போன செழுமை,
பாவமிந்த பதுமை,
பிரிக்கப்பட்ட பன்மை,
ஒதுக்கப்பட்ட ஒருமை,

சகுனத்தின் உவமை,
வலிகளின் உடமை,
காலத்தின் கொடுமை,
கனவுகளும் கருமை,
காயங்களின் முதுமை,
புறக்கணிப்பதா நேர்மை,

உடைபட்ட உரிமை,
பறிபோன தலைமை,
வாலிபத் தன்மை,
வாட்டும் தனிமை,
வீழ்ந்திட்ட வலிமை,
இறுகிய இனிமை,

மரபுகளின் கயமை,
வாழ்க்கையே வெம்மை,
கொல்லுதடா வெறுமை,
உணர்விலா பொம்மை,
கிடைக்குமா தாய்மை,
மரணமே மகிமை,

விடியாத கிழமை,
அணியாத விழிமை,
இழந்திட்ட வன்மை,
விதவையெனும் அடிமை,
போதுமடா இம்மை,
வேண்டுமா மறுமை?

சமூகமோ பழமை,
இதுவே நிலமை,
எதற்கிந்த பெருமை?
போதுமிந்த பொறுமை,
களைவது கடமை,
அஞ்சுவது மடமை,
மறுமணமே மேன்மை,

எண்ணுவது எளிமை,
களம்வெல்வது கடுமை,
தயக்கங்கள் சிறுமை,
புரிந்திடுவோம் புதுமை,
வெல்லட்டும் வாய்மை,
மலரட்டும் மென்மை.

 

குறிச்சொற்கள்: , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,

“திருமணம்”

பரணி போற்றும் ஆண்மகன்,
உண்மை பேசும் உத்தமன்,
ஊர் வாழ்த்தும் நல்லவன்,
விழியசைவில் வீழ்த்திடும் வீரன்,
பரிசுத்த மனதோடு, வெண் பட்டுடுத்தி
கட்டிலங்காளையாய் வந்தமர்ந்தான்.

செவ்வானம் தறித்து
சேலை நெய்துடுத்தி,
கார் கூந்தல் தலை கோதி,
வானவில்லின் சாயம் பூசி,
குங்குமப்பூவாய் கன்னம் சிவக்க,
கெட்டிமேளம், நாதஸ்வரம் முழங்க
கட்டழகு பதுமை வந்தாள்.

பெற்றோர் பெருமை கொள்ள
உற்றோர் உமை வாழ்த்த
மற்றோர் மனம் மகிழ
சுற்றோர் சூழ்ந்திருக்க
இடம் மாறின இதயங்கள்.

 

குறிச்சொற்கள்: , , , , , , , ,

 
%d bloggers like this: