RSS

Tag Archives: சுமைதாங்கி

“மௌனம்”

 

 

 

 

 

 

 

 

வெற்றியின் களிப்பின் போது
மௌனம் என் கடிவாளம்.

மடையிலா மகிழ்ச்சியின் போது
மௌனம் என் அளவுகோல்.

துயரத்தில் துவளும் போது
மௌனம் என் மருந்து.

உரிமையுள்ளோர் உத்தரவிடும் போது
மௌனம் என் சம்மதம்.

தனிமையில் தள்ளாடும் போது
மௌனம் என் ஊன்றுகோல்.

இதயத்தில் சுமைகூடும் போது
மௌனம் என் சுமைதாங்கி.

உள்ளத்தை உறுத்தும் போது
மௌனம் என் வடிகால்.

காதலியின் உரையாடலின் போது
மௌனம் என் மொழி.

உண்மையானோர் பிரியும் போது
மௌனம் என் வலி.

ஏமாற்றம் ஏற்படும் போது
மௌனம் என் சிந்தனை.

எதிரிகள் ஏளனம்செய்யும் போது
மௌனம் என் கேடயம்.

இன்னல்கள் எதிர்கொள்ளும் போது
மௌனம் என் ஆயுதம்.

மண்ணுள் மறையும் போது
மௌனம் என் மரணம்.

ஒரு வார்த்தை சொல்லும்
ஒராயிரம் விளக்கம் மௌனம்.

வலிமைமிக்க மௌனம்.
வன்முறைமிக்க மௌனம்.

Advertisements
 

குறிச்சொற்கள்: , , , , , , , , , , , , , ,

 
%d bloggers like this: