RSS

Tag Archives: கல்லறை

“காதல் வாழ்க”

கவிஞன் என்றதும்
காதல் தோல்வியா? – என்று தான் அடுத்த கேள்வி.
கவிஞர்கள் காதலித்து தோற்றுவிட்டார்களா? – இல்லை
காதலித்து தோற்றதால் கவிஞர்களாக்கப்பட்டார்களா?
கனவுகள் சுமக்கும் வயதில் காதலைக் கண்டதால்
கவிதை வடித்து காவியம் படைக்கிறார்கள்.
கல்லறைக் காதல் என்றாலும் கடைசிவரை
கவிதைக்குள்ளே காதல் வளர்க்கிறார்கள்.
காரணம் பலவகைப் பட்டாலும்
கவிஞன் என்று ஓர்குலப் படுத்திய
காதல் வாழ்க.

Advertisements
 

குறிச்சொற்கள்: , , , , , , , , , , , , ,

“நீயடி”

கண்ணியமாய் காதல் செய்தவள் நீயடி,
கொவ்வை இதழ்களால் கொஞ்சியவள் நீயடி,
அன்பிற்கு அகராதி தந்தவள் நீயடி,
காலம்மறந்து கதை பேசியவள் நீயடி,

கவிதைக்கு கரு தந்தவள் நீயடி,
காட்டாறுக்கு கரை போட்டவள் நீயடி,
பிழைகளை சரி செய்தவள் நீயடி,
இலக்கணமாய் இயங்கச் செய்தவள் நீயடி,

இறுகிய மனதை இளக்கியவள் நீயடி,
பாறைக்குள் நுழைந்த தேரையும் நீயடி,
பாய்ச்சலை பக்குவப் படுத்தியவள் நீயடி,
வாலிப-வானுக்குள் வந்த வசீகரநிலா நீயடி,

வில்லேந்திப் பார்வையில் வீழ்த்தியவள் நீயடி,
நித்திரையில் சொப்பனமாய் வாழ்ந்தவள் நீயடி,
கண் மூடினால் கனவாய் நீயடி,
மதி மயக்கிய மங்கையும் நீயடி,

விழிகளுக்கு வலி வழங்கியதும் நீயடி,
துடிக்கும் இதயத்தை தூக்கிலிட்டதும் நீயடி,
கல்லறையை முடிவுரையாய் முடித்ததும் நீயடி,
முடிந்த பின்பு துடிப்பதும் நீயடி.

 

குறிச்சொற்கள்: , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,

 
%d bloggers like this: