RSS

Tag Archives: உயிர்

“மணநாள் வாழ்த்து”

 

MananaalValthu

உணர்வினை மதித்து
உண்மையாய் வாழ்வோம்…
உரிமைகளுக்கு இடம்தந்து
உயிர்ப்போடு வாழ்வோம்…
வஞ்சகம் இல்லாமல்
வளமாய் வாழ்வோம்…
கவலைகளை கலைந்து
கைகோர்த்து வாழ்வோம்…
இருப்பதை வைத்து
இனிமையாய் வாழ்வோம்…
இலக்கண இல்லறமாய்
இயற்கையோடு வாழ்வோம்…
அளவோடு பெற்று
அறிவோடு வாழ்வோம்…
அகிலம் போற்ற
அன்பாய் வாழ்வோம்…

Advertisements
 

குறிச்சொற்கள்: , , , , , , , , , , , , ,

“ஆண் பார்த்தல்”

88a-AanPaarthal

படபடக்கும் கைகள்,
தடுமாறும் கால்கள்,
அலைபாயும் கண்கள்,
வறட்சியாய் உதடுகள்,
குளறும் வார்த்தைகள்,
இடமாற தவிக்கும் இதயம்,
பதில்கேக்க துடிக்கும் காதுகள்,
முடிவை எதிர்நோக்கும் முகம்,
கனவுகளுடன் காத்திருக்கும் உயிர்…

ஆம், ஆ(பெ)ண்-பார்த்த போது
அடியேனின் அனுபவம்.

 

குறிச்சொற்கள்: , , , , , , , , , , , , , , , , , , , , , , , ,

“பிரியாவிடை”

பிரியாவிடை

கருவறை வேறுபட்டாலும்
கல்லூரியில் ஒன்றானோம்.
பாலின பாகுபாடின்றி
பார்போற்ற பழகினோம்.
தனிவுடமை நீக்கி
பொதுவுடமை போதித்தோம்.
நட்பிலே உறவாடி
நாட்களை நலமாக்கினோம்.

கண்ணீர் துளிகளுடன்
காலத்தால் கலைகிறோம்.
கடமையை நிறைவேற்ற
நற்பாதையில் பயணிப்போம்.
உயிரால் இணைத்தபின்
உடலால் தானே பிரிகிறோம்.
அழியாத நினைவுகளுடன்
ஆன்மாவில் தொடருவோம்…

 

 

குறிச்சொற்கள்: , , , , , , , , , , , , , , , , , , , , , , , , , , , , , , , , , ,

“உழவனின்-உள்ளாடை”

உழவனின்-உள்ளாடைஊருக்கே உணவளித்தவன்
உடுத்த உள்ளாடைதான்.
உள்(ள) ஆடையை காப்பாற்ற
உயிராய் உழைக்கிறான்.
உள்ளதையும் உருவ
உறங்காமல் உழைக்கிறேன்.

 

குறிச்சொற்கள்: , , , , , , , , , , , , , , , , ,

“அகதி”

மரணித்துப்  போயிருக்கலாம்
உயிர் பிடித்து
அகதியாய் வாழ்வதற்கு.
உரிமைக்காக போர் தொடுத்து
உள்ள
உறைவிடமும் பறிக்கப் பட்டோம்.
ரணங்களைக் கண்டு கண்டு
ரௌத்திரம் கற்றுக் கொண்டோம்.
கூரைகள் இல்ல விட்டாலும்
கூட்டுக் குடும்பமாய் வாழக்கற்றோம்.
முள்வேலிக்குள் முடக்கப்பட்ட
முடவர்களாய் முகம் காட்டுகிறோம்.
படுத்து உறங்க பாய்கள் வேண்டோம்
பதுங்கி இறக்க பாடை கேட்கிறோம்.
நாங்கள்
வதைக்கவா விதைக்கப்பட்டோம்.
அல்லது
வஞ்சிக்கவா வாழ்க்கைப்பட்டோம்.
இது என்ன
இயற்கையின் விதியா?
இல்லை அந்த
இறைவனின் பிழையா?

 

குறிச்சொற்கள்: , , , , , , , , , , , , , , , , , , , , , , , ,

“முதல் இரவு”

கனவுகளின் இரவுகள்
காதலின் உணர்வுகள்
இறந்திடும் வெளிச்சம்
இணைந்திடும் கைகள்
அணைத்திடும் அரும்புகள்
விலகிடும் ஆடைகள்
பதுங்கிடும் வெட்கம்
புகுந்திடும் நிசப்தம்
வீழ்ந்திடும் சலனம்
வென்றிடும் வேட்கை
உடைத்திடும் விதிகள்
உயிர்திடும் உறவுகள்
மலர்ந்திடும் மாண்புகள்

 

குறிச்சொற்கள்: , , , , , , , , , , , , , , , ,

“கவிதை”

 

 

 

 

 

 

 

 

 

 

சந்தித்த பொழுதுகளில்
சிந்திக்கவில்லை இவ்வாறு,
சந்திக்காத பொழுதுகளில்
சிந்திப்பேன் என்று.
உயிரினில் கலந்திட்ட
உண்மையும் தெரியவில்லை,
உரிமையுடன் உனைக்கேட்க
வீரமும் எனக்கில்லை.
தெளிவாய் தெரிந்தபின்
நிற்கிறேன் செய்வதறியாது.
சொல்லத்தான்  தவிக்கிறேன்
வார்த்தைகள் இன்றி,
ஆயினும் வடிக்கிறேன்
அனைத்தையும் கவிதையாய்…

 

குறிச்சொற்கள்: , , , , , , , , ,

 
%d bloggers like this: