RSS

Tag Archives: அஃறிணை

“இது காதல் அல்ல”

ஆசை வெட்கமறியாது போல,
வெட்கமின்றிக் கேட்டு விட்டேன்.
ஆசை பூர்த்தியானால் பூர்த்தியாளர்
நினைவலை வராது என நினைத்தாயோ?

உனைக் காணத் துடிக்கும் மனம்,
தீப்பிடித்து எரிகிறது தினம் தினம்.
அதைக் கொஞ்சிப் போவாயா? அல்லது கிள்ளிப் பார்ப்பாயா?
கருணை காட்டா விட்டாலும், காயப்படுத்திப் பார்க்காதே!

உயர் திணையாய் ஊர் சுற்றியவனை,
அஃறிணையாய் அடக்கி விட்டாய்.
வதைக்கும் மனம் பெண்களுக்கு உண்டு
என்றறிந்த உண்மை உன்னால் உணர்ந்தேன்.

சோகத்திற்கு நீ மொத்த சொந்தக்காரியடி
நீயிருந்த திசை என் புவி-ஈர்ப்பு விசையடி
மறக்கவோ, மறுக்கவோ முடியாதவள் நீயடி
கண்ணீர் கூட வெந்நீராய் சுடுகிறதடி.

உனக்காக காத்திருந்த அந்த நசிந்த நிமிடங்கள்,
வெறுக்க மனமில்லாமல் மறக்க முயற்சிக்கிறேன்
என் காதல் கூட இன்று கவலைக்கிடமானது
நீ கூறிய “இது காதல் அல்ல” என்ற வார்த்தையால்…

ஆசை வெட்கமறியாது போல,
வெட்கமின்றிக் கேட்டு விட்டேன்.
இது காதல் அல்ல.

 

குறிச்சொற்கள்: , , , , , ,

 
%d bloggers like this: