RSS

Category Archives: வாழ்க்கை

“கர்ப்பிணி”

Karpini
மணம் முடிந்த பின்பு
மனம் மாறிப் போனாய்…
முகமற்றோரின் வசவொலியில்
மொழி மறந்து நின்றாய்…
மூடநம்பிக்கை என்றாலும் கூட
மூத்தோர் சொற்க்கேட்டாய்…
மௌனத்தின் கேள்விகளுக்கு
மருத்துவத்தில் விடை தேடினாய்…
மாதவிடாய் மாறிய காலங்களில்
மரத்தடியில் மன்றாடினாய்…
மாதம் தள்ளிப் போனதும்
மகிழ்ச்சியில் திண்டாடினாய்…
முடி முதல் அடி வரை
மாற்றம் பல கண்டாய்…
முகத்தின் முகவரி மாற
முழுமதியாய் உ(க)ருக்கொண்டாய்…
மரணவலி தரும் என்றாலும் கூட
மயக்கம் அதில் கொண்டாய்…
மிகைப்படுத்தி சொல்லவேண்டுமெனில்
மன்னவன் எனைக்கூட இதில் மறந்தாய்…
 

குறிச்சொற்கள்: , , , , , , , , , , , , , , , , , , , , , , , , , , , , ,

“மணநாள் வாழ்த்து”

 

MananaalValthu

உணர்வினை மதித்து
உண்மையாய் வாழ்வோம்…
உரிமைகளுக்கு இடம்தந்து
உயிர்ப்போடு வாழ்வோம்…
வஞ்சகம் இல்லாமல்
வளமாய் வாழ்வோம்…
கவலைகளை கலைந்து
கைகோர்த்து வாழ்வோம்…
இருப்பதை வைத்து
இனிமையாய் வாழ்வோம்…
இலக்கண இல்லறமாய்
இயற்கையோடு வாழ்வோம்…
அளவோடு பெற்று
அறிவோடு வாழ்வோம்…
அகிலம் போற்ற
அன்பாய் வாழ்வோம்…

 

குறிச்சொற்கள்: , , , , , , , , , , , , ,

“வியாபாரக்கிருமி”

வியாபாரக்கிருமி

பல் துலக்க Pepsodent
பாத்திரம் கழுவ Vim Bar

கை கழுவ Dettol
கக்கூஸ் கழுவ Harpic

தரை துடைக்க Lizol
துணி துவைக்க Surf excel

தண்ணீர் குடிக்க Aquaguard
வாய் கொப்பளிக்க Colgate Plax

கண்ணாடி துடைக்க Colin
சமயலறை துடைக்க Mr.Muscle

இயற்கை நாசினிகளாம் மஞ்சள்,வேம்பு,சாணம்,சாம்பல்,எலுமிச்சை – யை கொன்றன
இந்த கிருமிநாசினி எனும் வியாபாரக்கிருமி.

இன்றைய கிருமிகளைக் கொல்ல பல நாசினிகள்,
இந்த வியாபாரக்கிருமியைக் கொல்ல ஏது நாசினி?

 

குறிச்சொற்கள்: , , , , , , , , , , , , , , , , , , , , , , , , , , , , , , , , , , , ,

“முரண்”

முரண்மூன்றாம் வகுப்புத்தான் படித்தாய்,
மூலதனமாய் முயற்சியை வைத்தாய்,
முன்னேற முழுமூச்சாய் உழைத்தாய்,
மூன்றடுக்கு மாளிகையில் நான்,
முதியோர் இல்லத்தில் நீ…

 

குறிச்சொற்கள்: , , , , , , , , , , , , , ,

“பிறப்பு-வாழ்க்கை-இறப்பு”

பிறப்பு-வாழ்க்கை-இறப்பு

 

என் கவிதையின்
முதல் வரி
“பிறப்பு”.

தாங்கள் நினைப்பது போல்
கடைசி வரி
“இறப்பு”.

இடைப்பட்ட வார்த்தைகளின்
நிரப்பே
“வாழ்க்கை”.

 

குறிச்சொற்கள்: , , , , , , , ,

“வலி”

"வலி"

ஆயிரம் முறை
அடித்துக் கேட்டாலும்
அழுத்திச் சொல்வேன்
அம்மா செல்லமென்று.
அப்போதெல்லாம் தெரியாது
அப்பா-வின் வலி.
 

குறிச்சொற்கள்: , , , , , , , , , , , , ,

“ஓய்வுநாள்”

ஓய்வுநாள்
உழைக்கும் மக்களுக்கு
ஊக்கத் தொகை – ஓய்வுநாள்.
 
மறுநாள் உழைப்பதற்க்கான
உந்து சக்தி – ஓய்வுநாள்.
 
சமுகரீதியில் வாழ்வியல்
பிரச்சனைகளை களைவது – ஓய்வுநாள்.
 
அனுமதியில்லாமல் ஊடகங்களால்
களவாடப்பட்டது இந்த – ஓய்வுநாள்.
 

குறிச்சொற்கள்: , , , , , , , , , , , , ,

“மனிதன்”

மனிதன்
மனிதன்
மனமும்,
புத்தியும்
ஒருசேர
படைக்கப்பட்டு,
சுதந்திரமாய்
தண்டிக்கப்பட்டவன்.
 

குறிச்சொற்கள்: , , , , , , ,

“எதிரி”

 "எதிரி"


எதிரிகளே இல்லை என்றால்
எப்படியாவது உருவாக்கிகொள்.
என்றாவது ஒரு நாள்
என்னடா வாழ்க்கை இது
என எண்ணத் தோன்றும்.
எண்ணத்தில் எதிரிகளை ஏந்திக் கொண்டால்
எதிர் நீச்சலை எளிதாய் கற்றுக் கொள்வாய்.
எதை எதையோ காரணம் காட்டி  வீழ்வதை விட
எதிரிகளை வீழ்த்த வாழத் தோன்றும்.
எதிரிகளை எதிரியாய் பார்க்காதே!
என்றும் ஏற்றத்தின் உந்து சக்தியாய் பார்!

 

குறிச்சொற்கள்: , , , , , , , , , , , , , , , , , , , , , ,

“அலைபேசி”

Alipesi
கைக்குள் அடங்கும்
கலியுலக கண்டுபிடிப்பு.
 
காதோடு பேசும்
காதல் பேசி.
 
ஒலி, ஒளிகளின் 
ஒற்றுமைக் கூடம்.
 
சிந்திக்க தெரியாத
சிறந்த சாதனம்.
 
விரல்களால் விளையாடப்படும்
விஞ்ஞான விருட்சம்.
 
உபயோகம் கண்டால்
உடம்பின் ஓர் அங்கம்.
 
இன்றைய காலகட்டத்தில்
இன்றியமையாத சாதனம். 
 
சிட்டுக்குருவிகளின் சிணுங்கள்களை
சிறைபடுத்திய சமாதி.
 
பதிவேற்றம்,
பதிவிறக்கம்,
பரிமாற்றம்
எனும் முப்பரிமாணத்தின்
முதல்வன்.
 
அலைபேசிக்குள்  அங்கிவிடுகிறது 
அனைவரின் அடையாளங்கள்.
 
அளவுகளை அறியாவிட்டால் 
ஆபத்தின் அலைபேசி.
 

குறிச்சொற்கள்: , , , , , , , , , , , , , , , , , , , , , , , , , , , ,

 
%d bloggers like this: