RSS

Monthly Archives: திசெம்பர் 2017

“முதுகெலும்பு”

Muthukelumpu

உண்ணாவிரதம் இருந்தோம்
உங்களுக்கு தெரியலப்போல…

மண்டை ஓடு அணிந்தோம்
மனுவைக்கூட வாங்கவல்ல…

மண்சட்டி ஏந்தி நின்னோம்
மயிராக்கூட மதிக்கல…

சடலமா படுத்து,சங்கு வேற ஊதினோம்
சந்திக்ககூட நேரமில்ல…

கழுத்துல கயித்தைக் கட்டி,கத்தினோம்
காது கொடுத்துக்கூட  கேக்கல…

பாதி தாடி,மீசையை மழித்தோம்
பார்த்து பேசக்கூட மனசுவல்ல…

எலிக்கறியையும் தின்னோம்
ஏலெடுத்துக்கூட பாக்கல…

எப்படி,எப்படியோ போராடினோம்
எட்டிப்பார்க்கக்கூட தோணல…

அன்னமிட்டவன் அம்மணமாய்…
அரசாங்கமும் அவ்வண்ணமாய்…

Advertisements
 

குறிச்சொற்கள்: , , , , , , , , , , , , , , , , , , ,

“கர்ப்பிணி”

Karpini
மணம் முடிந்த பின்பு
மனம் மாறிப் போனாய்…
முகமற்றோரின் வசவொலியில்
மொழி மறந்து நின்றாய்…
மூடநம்பிக்கை என்றாலும் கூட
மூத்தோர் சொற்க்கேட்டாய்…
மௌனத்தின் கேள்விகளுக்கு
மருத்துவத்தில் விடை தேடினாய்…
மாதவிடாய் மாறிய காலங்களில்
மரத்தடியில் மன்றாடினாய்…
மாதம் தள்ளிப் போனதும்
மகிழ்ச்சியில் திண்டாடினாய்…
முடி முதல் அடி வரை
மாற்றம் பல கண்டாய்…
முகத்தின் முகவரி மாற
முழுமதியாய் உ(க)ருக்கொண்டாய்…
மரணவலி தரும் என்றாலும் கூட
மயக்கம் அதில் கொண்டாய்…
மிகைப்படுத்தி சொல்லவேண்டுமெனில்
மன்னவன் எனைக்கூட இதில் மறந்தாய்…
 

குறிச்சொற்கள்: , , , , , , , , , , , , , , , , , , , , , , , , , , , , ,

“மணநாள் வாழ்த்து”

 

MananaalValthu

உணர்வினை மதித்து
உண்மையாய் வாழ்வோம்…
உரிமைகளுக்கு இடம்தந்து
உயிர்ப்போடு வாழ்வோம்…
வஞ்சகம் இல்லாமல்
வளமாய் வாழ்வோம்…
கவலைகளை கலைந்து
கைகோர்த்து வாழ்வோம்…
இருப்பதை வைத்து
இனிமையாய் வாழ்வோம்…
இலக்கண இல்லறமாய்
இயற்கையோடு வாழ்வோம்…
அளவோடு பெற்று
அறிவோடு வாழ்வோம்…
அகிலம் போற்ற
அன்பாய் வாழ்வோம்…

 

குறிச்சொற்கள்: , , , , , , , , , , , , ,

 
%d bloggers like this: