என்
காதலை
தெரிந்தும்,
தெரியாமல்
நடி(ட)க்கும்
என்
காதலியும்,
கடவுளும்
எனக்கு
ஒன்று
தான்.
Advertisements
Monthly Archives: ஓகஸ்ட் 2012
“தேடல்”
ஏன் தேடுகிறோம்,
எதை தேடுகிறோம்,
எங்கு தேடுகிறோம்,
எதற்கு தேடுகிறோம்,
எப்படி தேடுகிறோம்,
எப்போது தேடுகிறோம்,
என்பதை தவிர்த்து
ஒன்று கிடைக்கும் வரை தேடுகிறோம்,
கிடைத்த பின் அடுத்ததை தேடுகிறோம்.
நிம்மதி மறந்து
நித்திரை துறந்து
நித்தம் தேடுகிறோம்.
தேடல் மட்டும் திகட்டி விட்டால்
தேகம் விட்டு ஜீவன் போய்விடும்.
தேடல் தொடரட்டும்…
“நினைவுகள்”
நம் காதலின்
நீங்காத நினைவுகளை
தூங்காது நினைக்கிறேன்.
கற்றுக் கொண்டு வாழ்வதற்கு அல்ல
பற்றிக் கொண்டு வீழ்வதற்கு…
என்னுள் உன்னை நிறைப்பதற்கு அல்ல
என்னுள் என்னை புதைப்பதற்கு…
உனை நினைப்பதற்கு அல்ல
எனை மறப்பதற்கு…
“ஒரு கவிதை”
உணர்ச்சிகளை உருக்கிகற்பனைகளை கலந்து
சொப்பனங்களை சேர்த்து
நினைவுகளை நிறைத்து
சிந்தனைகளை சிதைத்து
எழுத்துக்களை கோர்த்து
நினைவுகளை நிறைத்து
சிந்தனைகளை சிதைத்து
எழுத்துக்களை கோர்த்து
வார்த்தைகளாய் வார்த்து
என்னவளிடம் தந்தேன்
ஒரு “கவிதை”.
“தேசம்”
சுவை கல்வியை
சுமை என்றாக்கி
சுரண்டும்
கல்வி-ஒரு புறம்.
கடவுள் கொன்று
காமம் உண்டு
காவிஉடையில்
ஆன்மீகம்-ஒரு புறம்.
கள்ளப் பணதில்
வெள்ள உடையில்
கையாட்டும்
அரசியல்-ஒரு புறம்.
ஆடை குறைத்து
ஆபாசம் நிறைத்து
அசிங்கத்துடன்
கலை-ஒரு புறம்.
விதைத்தவன் வீதியிலே
விலைபொருளோ சந்தையிலே
விதியிலா
விவசாயி-ஒரு புறம்.
அடையாளம் அழிந்து
அடைக்கலம் புகுந்து
அடிமைகளாய்
அகதிகள்-ஒரு புறம்.
சூதாட்டம் சுகமென
விளையாட்டாய் விதைதூவ
விளையாட்டாய்
விளையாட்டு-ஒரு புறம்.
வேலை வேண்டி
காசைக் கட்டி
கவலையுடன்
இளைஞன்-ஒரு புறம்.
கடமை உணர்வை
கருக்கி எடுத்து விட்டு
காக்கி சட்டைக்குள்
காவல்-ஒருபுறம்.
காசை நிறைக்க
காப்பகம் நிறைக்கும்
கருணையிலா
பிள்ளைகள்-ஒரு புறம்.
திட்டம் தீட்டி
சத்தம் இன்றி
களவாடும்
களவானி-ஒரு புறம்.
வட்டி உயர்த்தி
பெட்டி நிறைத்து
துண்டைப்போடும்
நிதிநிறுவனம்-ஒரு புறம்.
அடுத்த பெண்ணின்
அணிகலனை அட்டவணையிடும்
அழுக்கு
அழகிகள்-ஒரு புறம்.
முகநூல் சென்று
முகவரி இழந்து
முடங்கிடும்
முயல்கள்-ஒரு புறம்.
ஒரு புறம்
மட்டும் போதும்,
எதையும் தாங்கும்
எங்களின் தேசம்.
எதிர்த்துப் பேசினால்
செவியில் மட்டுமல்ல
செவிட்டிலும் விழும்
எங்கள் தேசம்.
