RSS

Monthly Archives: ஜூன் 2011

“என்னுடன்”

அவள், என் மீது சாய்ந்தாள்.
மீண்டும் பிறந்தேன்
நான் மீண்டும் பிறந்தேன்
பூலோகம் புதிதானது.

அவள், என் மீது சாய்ந்தாள்.
ஆயிரம் யானைகளின் பலம்
எறும்புகளின் சுறுசுறுப்பு
தேனின் சுவை
தென்றலின் இனிமை

அவள், என் மீது சாய்ந்தாள்.
ஆம் – அமைதியாகச் சாய்ந்தாள்.
அவளது சுமைகளை மறக்க…
எனது கடமையை உணர்த்த…

அவள், என் மீது சாய்ந்தாள்.
ஆம் – நம்பிக்கையுடன் சாய்ந்தாள்.
எதிர்காலக் கனவுடன் !
எதிர்கொள்ள என்னுடன் !

 

குறிச்சொற்கள்: , , , , , , , , ,

“மௌனம்”

 

 

 

 

 

 

 

 

வெற்றியின் களிப்பின் போது
மௌனம் என் கடிவாளம்.

மடையிலா மகிழ்ச்சியின் போது
மௌனம் என் அளவுகோல்.

துயரத்தில் துவளும் போது
மௌனம் என் மருந்து.

உரிமையுள்ளோர் உத்தரவிடும் போது
மௌனம் என் சம்மதம்.

தனிமையில் தள்ளாடும் போது
மௌனம் என் ஊன்றுகோல்.

இதயத்தில் சுமைகூடும் போது
மௌனம் என் சுமைதாங்கி.

உள்ளத்தை உறுத்தும் போது
மௌனம் என் வடிகால்.

காதலியின் உரையாடலின் போது
மௌனம் என் மொழி.

உண்மையானோர் பிரியும் போது
மௌனம் என் வலி.

ஏமாற்றம் ஏற்படும் போது
மௌனம் என் சிந்தனை.

எதிரிகள் ஏளனம்செய்யும் போது
மௌனம் என் கேடயம்.

இன்னல்கள் எதிர்கொள்ளும் போது
மௌனம் என் ஆயுதம்.

மண்ணுள் மறையும் போது
மௌனம் என் மரணம்.

ஒரு வார்த்தை சொல்லும்
ஒராயிரம் விளக்கம் மௌனம்.

வலிமைமிக்க மௌனம்.
வன்முறைமிக்க மௌனம்.

 

குறிச்சொற்கள்: , , , , , , , , , , , , , ,

“என்னவள்”

 

 

 

 

 

 

 

அழுகின்ற குழந்தையை அரவணைக்கும்
அன்னையிடம் கேள் அன்பின் வலியை…

கானல் நீர் கண்டு களைப்படைந்த
பாகனிடம் கேள் தாகத்தின் தவிப்பை…

விடுமுறை விடப்பட்ட பள்ளி
பாலகனிடம் கேள் மகிழ்ச்சியின் மகிமையை…

கணநேரம் காத்திருக்கும்
காதலனைக் கேள் காலத்தின் கொடுமையை…

கண்ணுள் விழுந்த கனவை நனவாக்கும்
கலைஞனிடம் கேள் கனவின் களிப்பை…

ஏன் – உலகைப் படைத்த ஈசன், அவன்
மனைவியிடம் கேள் ஆசையின் ஆழத்தை…

இவையனைத்தும் என்னவள் எனக்குத் தந்தாள்.
எதிர்கொள்ள என்னுடன் துணை நின்றாள்.

 

குறிச்சொற்கள்: , , , ,

“திருமண வாழ்த்து”

இதயங்கள் இடம் மாற
இன்பங்கள் இல்லறத்தில் சூழ
வாழும் வரை வாழ்த்திடுமே
நீவீர் வாழ்ந்திடவே.

இன்பம் மட்டும் வாழ்க்கையல்ல
இன்னல்கள் இருவிழி கண்டாலும்
ஈர விழிகளை துடைத்திடுங்கள்
புன்னகை பூத்து நில்லுங்கள்
ஊடல்களை உண்டாக்கி மறந்திடுங்கள்
ஆசைகளை அளவாய் அட்டவனையிடுங்கள்
கனவுகளை களவாடிக் காட்சியுருங்கள்
கருத்தொருமித்து காதல் செய்யுங்கள்
உணர்வுகளை உயிராய் மதித்திடுங்கள்
உரிமைகளுக்கு உண்மையாய் வழிவிடுங்கள்
மனதொருமித்து மகிழ்ச்சியாய் வாழ்ந்திடுங்கள்.

வேற்றுமை வென்று
ஒற்றுமை வளர்த்து
ஐயத்தை அழித்து
நோயை ஒழித்து
மாற்றம் புகுத்தி
ஏற்றம் கண்டு
ஏமாற்றம் இன்றி
வெற்றி வாகை சூடுங்கள்.

வார்த்தையில் வாழ்வை தொலைக்காதீர்,
அன்பு எனும் ஆன்மாவுக்கு
உங்கள் ஆயுளை அர்பணியுங்கள்.

நீ வாழி
நீடு வாழி
நீடுழி வாழி

குலம் சிறக்க வாழி
நலம் குறையா வாழி
வளம் பெருக வாழி
புகழ் நிலைக்க வாழி

 

குறிச்சொற்கள்: , , , , , , , , ,

“மணவாழ்க்கை”

ஆணால் பெண்ணும்
பெண்ணால் ஆணும்
தனது தேவைகளை
சட்டப்படி திருடிக்கொள்வது.

 

குறிச்சொற்கள்: , , , , ,

“திருமணம்”

பரணி போற்றும் ஆண்மகன்,
உண்மை பேசும் உத்தமன்,
ஊர் வாழ்த்தும் நல்லவன்,
விழியசைவில் வீழ்த்திடும் வீரன்,
பரிசுத்த மனதோடு, வெண் பட்டுடுத்தி
கட்டிலங்காளையாய் வந்தமர்ந்தான்.

செவ்வானம் தறித்து
சேலை நெய்துடுத்தி,
கார் கூந்தல் தலை கோதி,
வானவில்லின் சாயம் பூசி,
குங்குமப்பூவாய் கன்னம் சிவக்க,
கெட்டிமேளம், நாதஸ்வரம் முழங்க
கட்டழகு பதுமை வந்தாள்.

பெற்றோர் பெருமை கொள்ள
உற்றோர் உமை வாழ்த்த
மற்றோர் மனம் மகிழ
சுற்றோர் சூழ்ந்திருக்க
இடம் மாறின இதயங்கள்.

 

குறிச்சொற்கள்: , , , , , , , ,

 
%d bloggers like this: