RSS

Monthly Archives: மார்ச் 2011

“காத்திருப்பேன்”

காத்திருப்பதும் ஒரு வகை சுகம்தான்
அதுவும் உனக்காக என்றால் தனி சுகம்தான்

நீ நேரத்திற்க்கு வந்ததில்லை என்று தெரிந்தும்
நேரத்திலே வந்து காத்திருப்பேன்

அழுத விழியோடு
அலையின் கரையில் காத்திருப்பேன்

காலம் காத்திராதெனினும்
நாணலாய் நான் காத்திருப்பேன்

நித்திரை துறந்தேனும்
நினைவுகளில் வாடிக் காத்திருப்பேன்

சொந்தக் கனவைச் சேர்த்து
சொல்ல வழியின்றிக் காத்திருப்பேன்

என்றேனும் வந்துவிடுவாய் என
வழி பார்த்துக் காத்திருப்பேன்

மறுபிறவி உண்டெனில்
உன் மடிசாயக் காத்திருப்பேன்

காத்திருப்பேன் உன்னோடு வாழ‌…
காத்திருப்பேன் உனக்காக வாழ‌…

 

குறிச்சொற்கள்: , , , , , ,

“சொர்க்கம்”

மல்லு வேட்டி
நொங்கு வண்டி
களத்து மேடு
பொட்டக் காடு

கோமனக் கிழவன்
இட்லிக்கட பாட்டி
அம்மனச் சிறுவன்
கோயில் பூசாரி

கருக்கறுவா
குப்பமேடு
தட்டாம்பூச்சி
சுங்கிடிச்சேல

சோமாரச் சந்த
ஒத்தயடிப் பாத
மாட்டு வண்டி
குட்டத் தண்ணி

சுருக்குப்பை
தூக்குப்போசி
சாணிவரட்டி
சாமிகெட

துண்டுபீடி
தூக்கணாங்கூடு
எரும-மாடு
ஏரிக்கர




எங்கோ தொலைத்து விட்ட சொர்க்கத்தை
தேடித் தொலைகிறேன் நாகரிக நகரத்தில்.

 

குறிச்சொற்கள்: , , , ,

 
%d bloggers like this: